Departamenti Amerikan i Shtetit ka nënshkruar për shitjen e raketave anti-tank Javelin qeverisë së Ukrainës, konfirmoi Pentagoni. Marrëveshja vlerësohet 47 milionë dollarë dhe ka nevojë për miratimin e Kongresit të ardhshëm.

Nëse miratohet nga Kongresi, marrëveshja do të përfshinte shitjen e 210 raketave dhe 37 njësive komanduese, njoftoi Defense News  duke cituar burimet e Pentagonit.

“Sistemi Javelin do të ndihmojë Ukrainën për të ndërtuar aftësinë e saj afatgjatë të mbrojtjes për të mbrojtur sovranitetin dhe integritetin territorial në mënyrë që të përmbushë kërkesat e saj për mbrojtjen e vendit”, tha Pentagoni në një deklaratë, duke shtuar se shitja nuk do të ndryshonte bilancin ushtarak në rajon, transmeton portali arbresh.info

Akti i Autorizimit Kombëtar të Mbrojtjes të vitit 2018 (NDAA) miratoi rritjen e ndihmës ushtarake amerikane në Kiev, duke përfshirë edhe armët vdekjeprurëse. Deri tani, SHBA ka ndihmuar ushtrinë e Ukrainës me logjistikë, inteligjencë, trajnim dhe llojet e tjera të mbështetjes.

Uashingtoni ka akuzuar Rusinë për pushtimin e Ukrainës që nga viti 2014, kur aktivistët e armatosur të mbështetur nga SHBA morën pushtetin në Kiev. Banorët e disa rajoneve, përfshirë Donetsk, Lugansk dhe Krimea, refuzuan të pranonin politikat e qeverisë së re./Arbresh.info/